Valtýr Gauti

Dapurt ástand í Canary Wharf

2008-09-18T11:46:00.003+03:00

Ekki hefur stemmnigin verið góð hér í Canary Wharf undanfarna daga. Í byrjun vikunnar fóru eins og flest allir vita Lehman Brothers á hausinn og í kjölfarið misstu 5000 manns vinnuna á skrifstofum þeirra hérna í Canary Wharf.
Ég varð vitni af því þegar starfsfólk Lehman Brothers voru að yfirgefa vinnustað sinn haldandi á pappakössum með eigum sínum í. Sumir báru höfðuðið hátt aðrir voru með tárin augunum. Ekki hjálpaði það að það var fullt af ljósmyndurum sem voru að taka myndir um leið og fólk gékk út, ekki hefur það verið auðvelt fyrir aumingja fólkið.

Eini jákvæði punkturinn í þessu öllu saman að það verður aðeins rýmra á Jubilee línunni (sem er tube línann sem ég tek til Canary Wharf) næstu mánuði .

Besta kaffið í London

2008-09-13T13:21:00.002+03:00

Þeir sem mig þekkja vita að ég er mikill kaffidrykkjumaður. Síðan ég flutti til London hef ég lengi verið að leita að besta kaffinu í borginni og loksins eftir þón okkra leit er ég búinn að finna það. Staðurinn heitir "Manmouth Coffee" og er með lítið kaffihús í Covent Garden og svo selja þeir einnig kaffi í Borough Market um helgar.
Það var doldið gaman að koma þarna því maður getur fengið að smakka kaffið áður en maður kaupir það (það er baunirnar til að taka með heim) og á meðan maður er að sötra á prufunum þá fær maður ítarlegar upplýsingar um kaffið, mjög skemmtileg, doldið eins og að vera í vínsmökkun :) Ég mæli eindregið með því að þeim sem þykir gott að sötra á góðu kaffi og hafa ekki áhuga á Starbucks sulli eða svoleiðis þá endilega að kíkja við hjá Manmouth Coffee.

Canary Wharf

2008-08-01T13:36:00.002+03:00

Þá er maður byrjaður á nýju verkefni í Canary Wharf. Þetta er mjög spennandi og skemmtilegt verkefni sem tengist stórum íþróttaviðburði sem verður hér í London eftir 4 ár :) Gaman af því :)

Svo er maður að æfa á fullu, er búinn að vera duglegur að hlaupa og lyfta. Er að fara að kaupa mér nýtt fjallahjól í dag og svo er ég að fara á kayaknámskeið á sunnudaginn. Þannig að vonandi verður maður þokkelaga vel undirbúinn fyrir "Wild UK Challenge" keppnina í byrjun september.

Wild UK

2008-07-23T17:49:00.004+03:00

Söfnunin fyrir Wild UK þrautina gengur vel, er þegar þetta er ritað kominn í 615 pund sem er mjög gott. Þarf að ná a.m.k 800 pundum til að fá að taka þátt.

www.justgiving.com/valtyrgunnarsson

Smá pæling

2008-07-23T13:39:00.002+03:00

Hvað þýðingu hefur það þegar maður notar poke á Facebook? Er þetta nútíma daður eða hvað? Hef oft velt þessu fyrir mér síðan ég byrjaði að nota Facebook, afhverju er fólk að nota poke?
Er kannski dónalegt að nota poke? hmm jæja best að halda áfram að vinna.

Wild UK Challenge

2008-07-20T13:00:00.001+03:00

Ég er að fara að taka þátt í mikilli keppni núna í haust þar sem ég mun hlaupa, hjóla, sigla og synda yfir 160KM. Keppnin fer fram hér í Englandi og til þess að tryggja þátttöku mína þarf ég að safna smá pening fyrir góðgerðarmálefni.
http://www.princes-trust.org.uk/Main%20Site%20v2/supporters/Whats%20in%20your%20region/wild%20uk.asp

Þetta verður mjög erfitt og því þarf ég á ykkar hjálp að halda. Með því að kíkja á þessa síðu hér http://www.justgiving.com/valtyrgunnarsson getið þið stutt mig og hjálpað mér að ná takmarkinu.

Garðyrkja og Nouvelle Vague

2008-07-08T12:17:00.003+03:00

Það er nú ansi nice að eftir að maður er búinn að vera vinna í garðinum alla helgina að enda helgina á því að skella sér á Bossa nova festival á South Bank þar sem aðalnúmerið var Nouvelle Vague , mjög skemmtilegt band og skemmtileg stemmning á svæðinu.

Samos

2008-07-06T02:06:00.003+03:00

Ansi átti ég góða viku á Grikklandi. Langt síðan að ég hef ná að slaka svona vel á. Var þarna með kærustunni minni henni Lorraine og áttum við alveg yndislega viku saman :) Gaman að lifa verð ég að segja.

Það sem heillaði mig á Samos var að hún er mjög róleg og ekki mikið um túrisma, allavega ekki á þessum tíma sem við vorum þarna. Svo er gríski maturinn mjög góður.

Nú er maður kominn aftur til London og alvara lífsins tekinn við. Er að vinna á fullu og verð áfram með annan fótinn í Guernsey næstu mánuði að vinna. Ójá

Smá frí

2008-06-26T03:51:00.002+03:00

Eftir mikla törn undanfarna mánuði er ég loksins á leiðinni í smá frí. Er að fara til Grikklands, verð á eyju sem heitir Samos. Ansi verður ljúft að komast aðeins frá til að slaka á. Enginn sími, engin tölva, ekkert Facebook og ekkert rugl. Bara sól sandur og speedo :) Nice

Nei sko!

2008-06-25T11:49:00.002+03:00

Jæja þá er maður mættur aftur eftir smá pásu. Búið að vera mikið að gera hjá mér undanfarið í vinnunni. Hef verið með annan fótinn í Guernsey að vinna síðan í maí og verð það eflaust eitthvað frameftir sumri. Ég tók 2 próf sem ég átti eftir í náminu í apríl og gékk það vel þannig að núna er ég orðinn master í hugbúnaðarverkfræði, yay!

Annars er maður bara að njóta lífsins hérna í London sem er bara ansi ljúft verð ég að viðurkenna.

Aha

2008-02-29T14:15:00.002+03:00

Voða er maður eitthvað latur við að blogga uss uss!

Ég fór á Chris Rock standup um daginn sem var alveg magnað show, hann er nokkuð lunkinn sem "comedian" það er alveg á hreinu.
Eina sem böggaði mig var að það sat alveg akfeit kona við hliðiná mér sem tók hálft sætið mitt líka. Þegar ég mætti þá þurfti ég hálfpartinn að sópa fitunni hennar af sætinu mínu svo ég gæti sest, en á einhvern ótrúlegan hátt tóks fitunni alltaf að renna undir mig þannig að áður en ég vissi af þá sat ég á vinstri rasskinn konunar, þannig að hvað eftir annað þurfti ég að moka henni af sætinu mínu, að lokum gafst ég upp, stóð upp og horfði á síðustu 20 min standandi aftast, nennti hreinlega ekki vera að standa í þessu stríði við annaramanna aukakíló á Chris Rock showinu, niice :) ójæja það er svo sem ekki henni að kenna að sætin voru svona lítil.

Enski hreimurinn minn

2008-01-28T02:36:00.000+03:00

Ég hef verið að velta því fyrir mér hverni enski hreimurinn minn er. Núna bý ég í Englandi þannig að ég hlýt að taka upp ensk/breskan hreim. Ég hef einnig búið í Skotlandi þannig að kannski hefur smá skoskur hreimur læðst með, ég veit allavega að þegar ég segi "Sorry" þá er það með skoskum hreim :) Svo hef ég búið í Bandaríkjunum í samanlagt 8 ár sem gerir það að verkum að bandaríski hreimurinn er ríkjandi. En til að flækja málin en meir þá bý ég með tveimur Áströlum þannig að ég veit ekki hvernig þetta endar. Og já auðvitað íslenski hreimurinn líka uss uss.

Nýtt ár

2008-01-04T22:47:00.000+03:00

Þá er komið nýtt ár! Er ekki þá ekki venjan að gera upp árið sem var að líða? Nei ég eiginlega nenni því ekki. Í staðinn ætla ég að segja hvað ég ætla að gera á þessu ári.

Professionally ætla ég að standa mig vel í vinnunni. Ég er að vinna hjá mjög góðu og öflugu fyrirtæki þar sem ég fæ tækifæri til að dafna vel. Það er bara allt undir mér komið hvað langt ég vill fara ef ég get orðað það þannig. Ég er að að vinna að mjög spennandi verkefni núna sem tengist Ólympíuleikunum 2012 sem verða einmitt haldnir hér í London. Framundan á árinu bíða fleiri spennandi verkefni og jafnvel ferðalög á vegum fyrirtækisins á framandi slóðir.

Persónulega ætla ég að njóta þess að vera hérna í London. Það er nóg um að vera í þessari borg það er alveg á hreinu. Ég ætla líka í ferðalag á árinu. Hvert það verður veit ég ekki en það verður eitthvað spennandi ég er búinn að lofa sjálfum mér því.
Ég ætla að hreyfa mig meira á árinum, er nú þegar búinn að skrá mig á Tango og Salsa námskeið :) Eitthvað verður það skrautlegt :) ég hef einnig hug á að prufa yoga, svo ætla ég að ganga á fjöll og vonandi kemst maður á skíði líka.

2008 á verður gott ár!

Íslensku jólasveinarnir

2007-12-22T17:29:00.000+03:00

Ég verð nú að segja að það getur verið frekar pínlegt að útskýra íslenska jólasveina conceptið fyrir útlendigum. Ég að spjalla við eina í vinnunni um daginn og hún spurði mig hvort að við á Íslandi værum með "Father Christmas" eins og hér. Ég svaraði því neitandi og sagði henni: "No we have 13 Santas in Iceland, or they are actually called Christmastboys or guys". Þetta fannst henni mjög áhugvert, og ég hélt svo áfram "They live in the mountains with their parents, Grýla and Leppalúði" nú kom smá svipur á stelpuna sem ég var að spjalla við. En ég hélt áfram.."They all have different names, one is called Sausagestealer!" Nú brosti stelpan aðeins "One is called candlebegger" nú hló stelpan aðeins og ég held áfram "Then we have one called yogurteater" nú sprakk hún úr hlátri og sjálfsögðu held ég áfram "One of the most popular ones is Doorslammer and then we also have Windowpeeper" Nú veinaði stelpan úr hlátri og spurði hvort við værum virkilega með jólasvein sem héti "Windowpeeper"? Ég svaraði því játandi og um leið fattaði ég hvað þetta væri nú skondið þessi jólasveinahefð okkar. Ég hafði hreinilega aldrei hugsað út í það fyrr en þarna þegar fór að útskýra þetta fyrir einhverjum sem þekkti ekki íslensku jólasveinana:)

Skallaði mann í lestinni

2007-12-20T03:42:00.000+03:00

Ó já það er rétt, mér tókst að skalla mann í túbinu um daginn. Ég skallaði hann ekki í andilitið eins og margir myndu halda, ó nei ég skallaði hann beint í rassinn. Hvernig fór ég að því? Já málið var að ég var með tvær töskur með mér í lestinni og lagði þær frá mér á meðan á ferðinni stóð. Rétt áður en á áfangastað var kominn þá beygði ég mig niður tók upp töskurnar. Allt í góðu með það nema hvað að um leið og ég gríp um töskurnar þá snarstoppar lestin og ég kastast fram með hausinn á undan mér og lendi beint á rassinum á aumingja manninum fyrir framan mig. Eftir þessa fólskulega árás mína þá lá ég á gólfinu með tvær töskur í fanginu eins og ég veit ekki hvað. Ég gat ekki annað en farið að hlægja enda var þetta nú doldið skondið moment.

Nierderwald

2007-12-18T00:28:00.000+03:00

Er núna staddur í Þýskalandi í vinnuferð. Bý á hóteli ekki langt frá Frankfurt sem heitir "Jagdschloss Niederwald". Huggulegt hótel og á mjög fallegum stað rétt við ánna Rín. Er hérna á fundi með collegum mínum frá hinum og þessum skrifstofum í Evrópu, allt í góðu með það, bara basic work stuff og networking. Í dag komst ég svo að því að sögulegur fundur var haldinn hérna á þessu hóteli árið 1948. Það er fundur sem oft er nefndur "Niederwald Conference" en á þessum fundi voru drög að þýsku stjórnarskránni ávðeðin. Þannig að já maður er á ansi sögulegum stað, alveg óhætt að segja það. Mjög spennandi fyrir söguáhugamann eins og mig en kannski ekki eins merkilegt fyrir þá sem lesa þetta blogg, oh well.

Pönkarar

2007-12-08T13:43:00.000+03:00

Ég sá tvo pönkara um daginn í lestinni. Það er orðið frekar sjaldgæft að maður rekist á slíka hérna í London. Ég man þegar ég kom fyrst til London fyrir ca. 20 árum síðan þá var alveg fullt af þeim hérna. Hvert hafa allir pönkaranir farið?
Ég man eftir einum pönkara sem var með mér í grunnskóla, hann var 5 árum eldri en ég og var með hanakamb að sjálfsögðu, alltaf í grænum hermannajakka, í þröngum gallabuxum og svörtum Dr. Martens skóm. Svo var svona pönkaralykt af honum, æji þið vitið pönkarar voru alltaf með svona illmvatn sem lyktaði frekar skringilega. Allir krakkarnir í skólanum voru mjög hræddir við þennan pönkara enda ekki von þar sem hann var svona útlítandi og þar að auki brunaði hann oft um skólalóðina á 10 gíra DBS hjóli, alveg stórhættulegur. Einn daginn þegar ég var í fótbolta þá var pönkarinn á sínum daglega rúnti um skólalóðina á hjólinu sínu og hann að sjálfsögðu keyrði mig niður. Ég var í svo miklu sjokki yfir þessari áras pönkarans að ég fattaði ekki einu sinni að fara að gráta, heldur horfði ég bara á hann stjarfur sem og allir krakkarnir á skólalóðinni. Pönkarinn hélt áfram að keyra niður saklausa krakka á hjólinu sínu þangað til, já bíðið róleg þangað til Þorsteinn bróðir frétti að pönkarinn hefði hjólað á mig þá kom hann hlaupandi á eftir pönkaranum, náði taki á hanakambnum og reif hann af hjólinu við mikinn fögnuð nærstadddra, svo tuskaði hann pönkarann eitthvað til og sagði honum að hann skilidi ekki voga sér að gera þetta aftur. Pönkarinn var í sjokki því enginn hafði áður þorað að standa í hárinu á honum eða þessu tilfelli toga í það. Hann var í svo miklu sjokki að hann hætti að vera pönkari daginn eftir. Hvar ætli hann sé í dag blessaður?

Grátt eða skalla

2007-11-30T16:07:00.000+03:00

Ég er ekki frá því að ég sé kominn með nokkur grá hár!! usss usss Einnig hef ég tekið eftir því að kollvikin hafa hækkað aðeins. Spurningin er sem sagt hvort maður eigi að taka George Clooney týpuna eða Bruce Willis. hmm?

Er maður hættur að blogga?

2007-11-30T15:57:00.000+03:00

Voða er langt síðan að ég bloggaði. Best að bæta úr því en það er búið að vera brjálað að gera undanfarnar vikur. Ég er ennþá að vinna að verkefni hérna í Canary Wharf og hef ég verið að vinna ca 12-14 tíma á dag síðustu 2 vikurnar. En hlutirnir ættu að fara að róast núna en ég verð reyndar hérna áfram út janúar. Maður verður að fara að heimsækja skrifstofuna í SOHO, hef ekki komið þangað síðan í byrjun október.

Fór á frábæra tónleika með Arcade Fire um daginn. uss uss hvað þeir voru góðir. Með betri tónleikum sem ég hef séð lengi. Bandið var mjög skemmtilegt á sviði og alveg ljóst að ég ætla að reyna að sjá þá aftur.

Á mánudaginn fer ég svo á tónleika með CSS í Brixton og á fimmtudaginn á tónleika með Klaxons í Brixton líka þannig að það er nóg að gera.

Er ennþá í húsnæðisleit, hef bara ekki haft tíma síðustu vikurnar til að skoða neitt. En um helgina er ég að fara að skoða nokkrar íbúðir þannig að vonandi fer þetta eitthvað að skýrast með húsnæðismálin

Guy Fawkes

2007-11-06T01:21:00.000+03:00

Seint í dag fór ég í pósthúsið og sendi ritgerðina mína með hraðpósti til Skotlands. Um leið og ég gékk út úr pósthúsinu byrjaði þessi fína flugeldasýning í Guildford. Ég hugsaði mér, að það væri nú fallegt af nágrönnum mínum í Guildford að fagna þessum milestone með mér með því að halda flugeldasýningu. Reyndar kom svo í ljós að það var verið að fanga allt öðru en að ég hafi sent ómerkilega ritgerð til Skotlands. Í dag er nefnilega Guy Fawkes dagurinn. Guy Fawkes var gaur sem var með plön um að sprengja enska þingsið 5. nóvember 1605. Já já það voru líka til hryðuverkamenn á þeim tíma. Einhverjar hluta vegna þá er síðan þá 5. nóvember haldinn hátíðlegur hérna í Englandi og er hefðinn að sprengja flugelda, ekki veit ég hvort það sé verið að heiðra minningu Guy Fawkes sáluga eða verið að fagna því að honum hafi mistekist plottið....hmmmm

6. Nóv

2007-11-02T03:28:00.000+03:00

Næstu dagar verða crucial hjá mér. Er að klára blessuðu ritgerðina mína sem ég á að skila 6. nóvember. Sem þýðir að ég verð að vera búinn með hana 5. nóv til að senda í hraðpósti til Edinborgar. Ég held að þetta muni ganga upp hjá mér svei mér þá. En mikið andskotinn verður ljúft þegar maður er búin að koma þessu frá sér ojojoj.

Tall? No small!

2007-10-27T23:27:00.000+03:00

Ég drekk mikið kaffi. Þar sem kaffið í vinnunni er gjörsamlega ódrekkandi þá neyðist ég til að fara nokkrar ferðir á dag út í næsta Starbucks til að þjóna fíkn minni. Hvað er málið með stærðirnar á bollunum hjá þeim? Þeir eru með Tall-Grande-Venti. Þannig að Tall er Small, Grande er medium og Venti er Large! Frekar undarlegt. Svo tók ég eftir því um daginn á meðan ég beið eftir kaffinu að Venti er skrásett vörumerki. Það fannst mér líka frekar undarlegt. Einhver djúp markaðspæling í gangi þarna hjá Starbucksmönnum, en hvað um það kaffið hjá þeim er alveg bærilegt :)

Johnny Wilkinson and the gang

2007-10-20T15:24:00.000+03:00

Í dag er stór dagur hérna í Englandi. Enska rugbylandsliðið er að fara að keppa í kvöld við landslið Suður Afríku í úrslitaleiknum í heimsmeistarakeppninni í rugby. Ég verð að viðurkenna að ég hef lúmskt gaman af því að horfa á rugby. Þó svo að ég þekki ekki allar reglurnar þá er eitthvað við þessa íþrótt sem heillar.
Aðalhetjan hjá Englandi heitir Johnny Wilkinson og er hann nú þegar orðin goðsögn hérna í Englandi. Það er talað um hérna í fjölmiðlum að Johnny og félagar séu að bjarga heiðri ensku þjóðarinnar með því að ná svona langt eftir að fótboltalandsliðið tapaði í vikunni á móti Rússlandi.
En jú í kvöld mun ég setjast fyrir framan sjónvarpið og horfa á og hvetja mína menn :) Alltaf gott að hafa þetta option að halda með Englandi á meðan Íslandi er að tapa á móti liðum eins Lichtenstein :)

Canary Wharf

2007-10-14T15:34:00.000+03:00

Var að byrja á nýju verkefni í síðustu viku í Canary Wharf. Er með aðstöðu á 22. hæð í einum af turnunum þarna með fínt útsýni yfir London. Þegar ég mætti þarna á svæði á miðvikudaginn þá var það í fyrsta skiptið sem ég hafði komið þarna. Það kom mér mjög á óvart hvað þetta er stórt og mikið svæði. Það er fullt af háhýsum þarna og það er verið að reisa ennþá fleiri. Svo er að sjálfsögðu fullt af börum, veitingastöðum og verslunum þarna á svæðinu. Einnig eru nokkrar líkamsræktarstöðvar og ætla ég einmitt að fá mér kort í einni þeirra sem fyrst.

Verkefnið er mjög spennandi og tengist einu af mínum helstu áhugamálum, það er íþróttum. En það verður mikið að gera og það er ætlast tils mikils af manni þannig að það er eins gott að vera vel á tánum.

ShoHo

2007-10-01T00:20:00.000+03:00

Eyddi föstudagskvöldinu á svæði sem heitir Hoxton og Shoreditch eða ShoHo eins og sumir kalla það. Fékk mér nokkra drykki eftir vinnu með nokkrum vinnufélögum við Hoxton Square. Svo fórum við nokkrir og fengum okkur að snæða á stað sem heitir Great Eastern Dining Room sem sörverar svona Pan-Asian mat eins og það er víst kallað. Svo eru mjög góðir kokteilar í boði ef maður þarf á því að halda ;). Mjög skemmtilegt svæði þarna í kring, mikið af flottum börum,veitingastöðum og listagalleríum. Ég held að það megi alveg reikna með því að hægt verði að finna mig á þessu svæði einhverjar helgar í framtíðinni. Annars er maður bara kátur, er ennþá að leita mér að húsnæði. Fer á morgun að skoða húsnæði við Clapham Common sem ég er doldið spenntur fyrir.

Hvað er að frétta?

2007-09-27T00:54:00.000+03:00

Voðalega er maður búinn að vera latur við að blogga. Kannski ekki nema von, það er búið að vera nóg að gera hjá mér. Var að byrja í nýrri vinnu, er ennþá að vinna að masters verkefninu og þar að auki er ég að leita mér að húsnæði.

Ég er byrjaður að vinna hjá bandarísku fyrirtæki sem heitir Avanade. Er mjög spenntur fyrir þessu starfi og fyrirtæki. Það eru mjög spennandi verkefni framundan sem ég fæ að taka þátt í en ég segi líklega meira frá því seinna.

Ég fékk frest á mastersverekfninu til 6. nóv. Þannig að maður verður að skipuleggja tímann vel næstu vikurnar.

Er að fara að skoða íbúð í Notting Hill á föstudaginn, og ef mér líst vel á þá ætla ég að taka hana. Þetta er náttúrulega frábær staðsetning upp á vinnuna að gera. En skrifstofan mín er inn í Soho. Eins ef maður þarf að ferðast eitthvað þá er Paddington lestarstöðin í nágrenninu.

Annars er ég að fíla mig vel í London. Fór á Tate Modern á laugardaginn síðasta, þar upp á þakinu er bar fyrir safnmeðlimi og þar sat ég og drakk hvítvín í sól og 20 stiga hita og horfði yfir alla London, ekki ónýtt.

London - Sydney

2007-09-14T13:39:00.000+03:00

Rakst á ansi skemmtilegt á netinu. Það er hægt að fara í ferð frá London til Sydney með rútu! Ferðin tekur ca. 3 mánuði og er farið í gegnum 20 lönd á leiðinni þar sem ýmist er gist í tjaldi eða á hóteli. Ég væri alveg til í að skella mér í svona ferð en það eina er að ég verð svo auðveldlega bílveikur í rútu þannig að þetta gæti orðið doldið challenge fyrir mig:)

Que pasa?

2007-09-12T12:46:00.000+03:00

Fór á flotta Police tónleika á sunnudaginn var. Ótrúlega gaman að sjá og heyra í þessum gömlu hetjum. Sting var vel sprækur og röddin í góðu lagi. Stemmningin var góð en tónleikarnir fóru fram á Twickenham Stadium sem er leikvangur enska Rugby landsliðsins. Þetta eru fyrstu stadium tónleikarnir sem ég hef farið á. Já magnað alveg en ég hef aldrei verið mikið spenntur fyrir svona stórum tónleikum en þetta var alveg þess virði þó að það hefði án efa verið flottara að sjá þá spila á nettum tónleikastað.

Tónleikar

2007-09-05T15:03:00.000+03:00

Ég er búinn að vera ansi duglegur í að kaupa miða á tónleika hérna í London í haust. Svona lítur planið út og það á örugglega eftir að bætast við.

9. sept. The Police
24. okt Jose Gonzalez
31. okt Rufus Wainwright
18. nov Arcade Fire
6. des The Klaxons (sem voru by the way að vinna Mercury verðlaunin)

Ég á aukamiða á alla tónleikana, hefur einhver áhuga?

How did they know?

2007-08-30T16:17:00.000+03:00

Ef maður vill komast í tengsl við arabíska menningu án þess að fara frá London þá skal maður labba upp Edgware Road norður af Marble Arch. Á því svæði er einmitt eitt stærsta Araba samfélagið í London. Þarna er mikið líf, menn sitja þarna og reykja vatnspípur, margar skemmtilegar og öðruvísi verslanir svo ég tali nú ekki um alla veitingastaðina þarna þar sem án efa er hægt að fá besta falafel í borginni.
Ég var á rölti þarna um daginn og sé þar sem tvær konur mæta hvor annari. Þær voru báðar í svona kuflum þannig að það sást ekkert nema í augunum á þeim. Það sem mér fannst merkilegt var að þær heilsuðu hvor annarri. Ég spyr nú bara, hvernig er hægt að bera kennsl á manneskju sem er hulin svona kufli þar sem maður sér ekkert nema í augun á manneskjunni?

Bank Holiday Weekend

2007-08-29T02:46:00.000+03:00

Bank Holiday er nýlokið hérna í Bretlandi. Það tíðkast hér um Bank Holiday að fólk geri sér glaðan dag svona rétt í lok sumars. Ég gerði það að sjálfsögðu og skellti mér á elektróníska danstónlistar hátíð í suður London, Clapham Common nánar tiltekið. Southwestfour eða SW4 nefnist hátíðin og er þetta held ég í 4. skiptið sem hún er haldin. Það var eitt aðalsvið og svo 4 minni tjöld þannig að maður gat rölt á milli og tékkað á ýmsum atriðum. Í ár voru 25.000 manns saman komin og fór allt mjög friðsamlega fram það var varla að sjá neina gæslu á svæðinu og hvað þá löggu, maður getur rétt ímyndað sér hvernig ástandið væri heima ef það væri 25.000 manns saman komin á útihátíð. Hátíðin hófst á hádegi á laugardeginum og var 25 stiga hiti og sól sem var ekki slæmt skal ég segja. Ég fór þarna í góðra vina hópi og skemmtu allir sér frábærlega, fólk hafði orð á því að fara aftur að ári. Hátíðinni lauk svo kl 9 um kvöldið og skemmti ég mér alveg frábærlega, dansaði mikið og naut þess að hlusta á góða tónlist og vera innan um fullt af vingjarnlegu og skemmtilegu fólki. Eftir hátíðina kíkti ég ásamt fólkinu sem ég var með á The Cross Festival sem var í norður London. Stoppuðum stutt þar reyndar þar sem okkur langaði að kíkja á Fabric klúbbinn og dansa meira :) Frábær dagur og frábært kvöld.

Guildford - Surrey

2007-08-10T01:42:00.000+03:00

Búinn að vera hérna í Guildford í tæplega 2 vikur núna. Hef lítið annað gert en að vinna í verkefninu mínu. Reyndar hef ég líka getað eytt tíma með Jóni Bjarti frænda mínum. Við erum búnir að skylmast mikið, spila fótbolta, Playstation og fleira.

Guildford er lítill bær rétt fyrir utan London. Ég er ekkert sérstaklega hrifinn af bænum sjálfum. Finnst miðbæjarkjarninn lítið spennandi en hann samanstendur af svona týpískri high street með tilheyrandi verslunar- og kaffihúsakeðjum. Það sem heillar mig hér er sveitin í kring. Mikið af göngustígum um svæðið og hef ég notað þá mikið þegar ég hef farið út að hlaupa. Reyndar komst ég að því um daginn að það er doldið af eitruðum snákum hérna í sveitinni :( Ekki er ég beint að fíla það enda maður með mikla snákaphobiu.

En það hefur farið vel um mig hérna, gott að fá að búa aðeins hjá Þorsteini, Sollu og Jóni Bjarti. Næsta skref er svo að finna sér húsnæði í London. Stóra spurningin er, hvar í London vil ég búa?

Ouch

2007-08-04T17:42:00.001+03:00

New chapter

2007-08-03T03:03:00.000+03:00

Þegar ég koma keyrandi frá Edinborg til London þá kom yfir mig einhver sælu tilfinning. Þegar þetta gerðist þá var ég í þá mund að keyra inn á M25 hraðbrautina eða The Orbital eins og hún er kölluð, þetta er hraðbraut sem liggur hringinn í kringum London. Bróðir minn og sonur hans voru báðir sofandi ég var að hlusta á Norman Jay þáttinn sem er alltaf á sunnudagskvöldum á BBC London. Sólin var um það bil að setjast og þegar hann setti lagið Rotation með Herb Albert á þá kom þessi sælutilfinning yfir mig. Ég hugsaði með mér nú er að hefjast nýr og spennandi kafli í lífi mínu og ég ætlaði sko að njóta þess að vera til á meðan ég er í London og um leið hallaði mér aftur í sætið, krúsaði eftir M25 og naut ljúfra tóna Herb Albert.

Ég og hundar

2007-07-31T00:42:00.000+03:00

Er breskum hundunn eitthvað illa við mig? Í dag var ég bitinn í annað skiptið á nokkrum mánuðum af einhverju hundkvikindi. Var að hlaupa með fram ánni hérna í Guildford í mínum eiginn heimi eins og ég er oftast þegar ég er að hlaupa. Áður en ég veit af þá stekkur hundur í áttinni að mér og glefsar í höndina á mér. Honum tókst að blóðga mig þannig að ég neyddist til að fara upp á slysó til að fá stífkrampasprautu. Einnig þarf ég að taka sýklalyf í viku og má ég ekki drekka áfengi á meðan! uss uss súrt show.

Road trip

2007-07-30T00:07:00.000+03:00

Jæja þá er maður mættur til Guildford. Ég var til klukkan 8 á föstudagskvöld að ganga frá í íbúðinni í Edinborg. Gott að maður hafði bróður sinn til að hjálpa. Eftir að að við vorum búnir að fylla bílinn af drasli og gera hreint í íbúðinni þá brunuðum við af stað í átt til Lake District. Stoppuðum í litlum skoskum bæ á leiðinni sem heitir Biggar og fengum okkur late dinner. Við gistum svo í bæ sem heitir Carlisle sem er rétt fyrir utan Lake District svæðið. Ökuferðin gékk vel en ég get þó staðfest það að það er einni kanínu færra í Skotlandi eftir þessa ferð. Hef ekki mikið um Carlisle að segja nema það að það munaði minstu að einn rónininn í bænum hefði farið sömu leið og litla kanínan því við vorum hársbreidd frá því að bruna yfir einn slíkan sem lá í góðum gír á götunni. Á laugardeginum keyrðum við svo inni í Lake District og kom mér skemmtilega á óvart hvað var fallegt þar. Stoppuðum í litlum bæ sem heitir Ambleside. Mjög fallegur og skemmtilegur bær. Frá honum fórum við í göngutúr upp að fossi sem var rétt fyrir ofan bæinn. Hefði alveg viljað eyða meira tíma í Lake District og ég held að það sé nokkuð ljóst að ég reyni að fara þarna aftur og reyni að eyða nokkrum dögum á svæðinu. Frá Lake District keyrðum við yfir Yorkshire Dales í áttina til York. Mjög falleg leið en ansi hlykkjóttur vegur. Þurfti að hafa mig allan við til að verða ekki bílveikur. Þegar við komum til York þá því miður voru öllu hótel og gistiheimili full. Greinilegt að það er ekki eins auðvelt fyrir Víkinga að fá svefnstað þarna eins og það var fyrir Víkinga í gamla daga. Við þurftum því að keyra 40 mílur eftir hraðbrautinni í suður og enduðum á ömurlegur hraðbrautarhóteli :( Í dag stoppuðum við svo í Peak District nánar tiltekið á hefðarsetri sem heitir Chatsworth. Þar var stór og fallegur garður og þar komst ég í "Maze" í fyrsta skiptið. Voða gaman :) En nú er ég mættur til Guildford og er í góðum gír :)

Edinborg-London

2007-07-27T12:27:00.000+03:00

Jæja þá er maður að yfirgefa Edinborg. Keyri af stað seinna í dag ásamt bróður mínum og litla frænda honum Jóni Bjarti. Er svona rétt að klára að pakka og svo á ég eftir að taka aðeins meira til. Áður en við keyrum af stað held ég að það sé við hæfi að ég fái mér einn kaldann á "The Last Drop" og geri upp dvöl mína hérna í Edinborg :)
Ég er búinn að kynnast nokkrum skemmtilegum hérna í Edinborg og vona ég að maður nái að halda sambandi við þetta ágæta fólk.
Planið er að keyra niðrí "Lake District" og gista eina nótt þar. Á morgun ætlum við aðeins að skoða okkur um á Lake District svæðinu og svo keyrum við til York og gistum eina nótt þar. Á sunnudaginn verður maður svo kominn til London í góðum gír:)

Fangelsi

2007-07-25T22:44:00.000+03:00

Ef ég lendi einhvern tímann í fangelsi, þá skal það vera í þessu fangelsi!!!

Mat hjá frænku

2007-07-25T02:40:00.000+03:00

Frænka mín hún Anna Ellen Douglas bauð mér í mat í kvöld. Hún býr hérna í Edinborg ásamt kærastanum sínum og litla stráknum þeirra honum Helga.
Ég fékk mexikóskan mat sem var mjög gott. Ég er doldið fyrir mexíkóskan mat nefnilega ;) Kannski að maður kíki til Mexíkó næsta sumar og heilsi upp á Carlos vin minn hmm nóg um það en það sem ég ætlaði mér að segja hér er það að Valgeir kærastinn hennar Önnu er menntaður sem bruggari og vinnur hjá einni af betri bruggverksmiðjunum hérna í Skotlandi. Þannig að...að sjálfsögðu var boðið upp á bjór og whisky...já whisky segi ég ég veit að í ameríku er skrifað whiskey en hérna í Skotlandi er það whisky.

Bjórtegundirnar sem ég fékk að smakka voru: Fraoch - Heather Alé , magnaður bjór alveg sem er byggður á 4000 ára gamalli uppskrift. Williams Red var annar bjór sem ég fékk að smakka en hann er með keim af toffee og banana, mjög góður bjór líka. Willams Joker var þriðji bjórinn sem ég smakkaði sem er eins og spekingar kalla "cask alé" vel hægt að mæla með honum líka Fjórði bjórinn sem ég smakkaði var Alba- Scots Pine Ale en hann er einnig byggður á gamallri uppskrift eins og heahter alé. Síðasti bjórinn sem ég smakkaði var Kelpie- Seeweed Ale og var ég ekkert voða hrifinn af honum, kannski var það nafnið sem fór alveg með það, veit ekki.

Whisky: Smakkaði japanskt single malt whisky sem heitir Yamakasi sem var bara mjög gott. Japanir eru mjög öflugir í whisky framleiðslu nefnilega.

Jæja já, þetta var róna færsla ársins.

Bið að heilsa í bili
Vallli

Bodycombat

2007-07-23T23:10:00.000+03:00

Ég skellti mér í gamni í bodycombat tíma áðan. Þetta er í fyrsta skiptið sem ég prufa slíkt og ég verð að viðurkenna að þetta var bara ansi gaman, erfitt vissulega en gaman. Maður var náttúrulega ansi stirður og lélegur í sumum hreyfingunum eins og til dæmis í hliðarsparki þar náði ég aðeins að sparka í hnéhæð :)

Svo tókst mér að sparka í hnakkann á stelpunni fyrir framan mig, ég var ekkert smá montinn því aldrei átti ég vona á að ég gæti sparkað svona hátt. Stelpan meiddi sig ekki neitt því sparkið hjá mér var ansi máttlaust.

En það er alveg ljóst að þetta er eitthvað sem ég hugsað mér að stunda. Þetta er góð brennsla og einnig styrkist maður vel.

Skíði

2007-07-23T04:07:00.000+03:00

Ég er þessi í græna jakkanum á skíðunum

Ójæja

2007-07-22T19:43:00.000+03:00

Hvaða voða yfirlýsingar eru þetta að maður sé hættur að blogga? Uss uss :) Var að koma til Edinborgar eftir að hafa verið á Íslandi í 10 daga. Alveg frábært að koma heim, veðrið var náttúrulega frábært eins og svo margir vita og svo hitti ég fullt af góðum vinum og átti góðar stundir. Ég gékk á Keili í fyrsta skiptið og svo tók ég einnig túristann á þetta og keyrði Golden Circle, keypti mér meir að segja pylsu og ís á leiðinni :) Nú er bara málið að pakka dótinu hérna, kveðja Edinborg og keyra svo af stað til Guildford og já finna góðan Salsa stað í London því ég ætla nefnilega að fara að læra Salsa

Learning to fly

2007-07-18T16:55:00.000+03:00

Hættur að blogga í bili.

Keilir

2007-07-16T14:48:00.000+03:00

Gékk á Keili í fyrsta skiptið í frábæru veðri í gær. Alveg ótrúlegt að maður skuli aldrei hafa gengið á þetta fjall fyrr, en gangan var skemmtileg og ekkert svo löng. Ótrúlega gaman að fara í svona fjallgöngu, ég verð að ná allavega einni göngu í viðbót áður en ég fer aftur út. Eftir gönguna kíkti ég niðrí bæ með Ásdísi og Ragga, byrjuðum á að fara í heimsókn til vinkonu Ásdísar á Ránargötuna. Eftir það fórum við á Boston en stoppuðum stutt þar því stemmningin þar var eitthvað subbuleg, held að flestir þarna inni hafi verið á ca. 4.-5. degi á djammi og ekkert voða vinalega stemmning þannig að við röltum á Sirkus og fengum okkur drykk. Eftir að Sirkus lokaði fórum við heim til þeirra þar sem við tókum svona klassískar trúnó hringborðsumræður :) Alltaf gaman af því. Ég endaði svo með því að gista í gestarúminu þeirra enda týmdi ég ekki að eyða 3000 Kr í leigubíl til að komast í Garðabæinn. Þegar við vöknuðum í morgun fórum svo í morgunmat á Gráa Kettinum sem var mjög nice.
Í dag verð ég að vera duglegur að vinna í verkfninu svo maður hafi nú frí í kvöld.

Ísland

2007-07-12T23:51:00.000+03:00

Jæja þá er maður mættur til landsins. Ég verð hérna í 10 daga og ætla ég að nýta tímann vel. Á daginn verð ég að vinna í verkefninu en á kvöldin ætla ég að reyna að hitta sem flesta og skoða sem mest. Eitt af því serm er á dagskránni er að ég ætla að skella mér í tvo daga á Siglufjörð að heimsækja Óttar en hann vinnur þar á þjóðlagasetrinu góða. Einnig stefni ég á að ganga á Esju og jafnvel fara í fleiri göngur. En mikið er nú notalegt að vera kominn heim í sólina eftir að hafa verið í stanslausri rigningu í Edinborg.

Bestival

2007-07-10T13:44:00.000+03:00

Ég skila mastersverkefninu 6. sept. Væri þá ekki tilvalið að skella sér á Bestival 7.-9. sept?

Maori Haka

2007-07-09T11:26:00.000+03:00

Maori Haka! Þetta ætla ég að prufa, búinn að finna stað í London og alles held ég geti verið doldið efnilegur í þessum dansi. Prófaði að dansa salsa um helgina held að ég hafi ekki verið mjög efnilegur þar en væri samt mjög til í að læra þann dans líka. Já svei mér þá ég held ég stefni á að læra Haka og Salsa í haust.

Latur við blogga

2007-07-05T00:23:00.000+03:00

Uss uss hvað maður er búinn að vera latur að blogga. Ekki er veðrið hérna í Edinborg búið að vera skemmtilegt, ég held að sé búið að rigna á hverjum degi núna í tvær vikur. Það liggur við að maður skelli sér í helgarferð eitthvað í sólina. Reyndar fer ég til Íslands í næstu viku á ekki að vera svo gott veður þar þessa dagana?

Um helgina fer ég til London þar sem ég er að fara í nokkur atvinnuviðtöl og að sjálfsögðu notar maður tækifærið til að skemmta sér. Er boðið í garðveislu á laugardeginum þar sem þemað verður South Pacific og þarf maður að vera klæddur samkvæmt því. Er einhver með hugmyndir um hvernig ég eigi að vera klæddur? Var að spá að vera í svona hvítum sailor búning. Er eitthvað vit í því?

Annars er maður að reyna að vinna í verkefninu. Verð að viðurkenna að ég er búinn að vera frekar latur síðustu daga en í dag og gær er ég bara búinn að vera nokkuð duglegur.

Glencoe

2007-06-22T17:22:00.000+03:00

Var að koma heim úr frábærri ferð. Var í viku ásamt foreldrum mínum í bústað í skosku hálöndunum. Staðurinn sem við vorum á heitir Glencoe og er alveg ótrúlega fallegt þarna. Glencoe er þekkt fyrir að vera miðstöð fyrir göngufólk enda hægt að fara í margar skemmtilegar gönguferðir bæði fyrir óvana og vana. Ég fór í nokkrar skemmtilegar göngur, spilaði golf og hafði það nice. Svo prófaði ég svona klifurvegg og stóð ég mig bara bærilega held ég, var reyndar orðinn ansi þreyttur í höndunum í lokinn. En eftir þessa viku held ég að ég sé búinn að finna mér nýtt áhugamál það er að ganga. Ég er búinn að fjárfesta í gönguskóm þannig að það er eins gott að nota þá eitthvað. Einnig langar mig að prufa meira svona klettaklifur.

Back in Edinburgh

2007-06-11T14:44:00.000+03:00

Jæja þá er maður kominn til Edinborgar aftur eftir skemmtilega viku í London. Reyndar kvöldið áður en ég fór til London fór ég á skemmtilega sýningu hjá systur minni í Glasgow. Eftir það fórum við ásamt fleira góðu fólki á country stað sem heitir Grand Ole Opry. Magnaður staður alveg, þarna var fólk í flottum country fötum og sumir meira að segja vopnaðir skammbyssum. En nú er bara að halda áfram með verkefnið. Eins gott að standa sig því það er prófessor frá MIT búinn að hafa samband við mig þar sem hann vill fylgjast með verkefninu mínu þannig að já það er sko eins gott að standa sig.

Shoreditch

2007-06-05T02:14:00.000+03:00

Fór á ansi skemmtilegan klúbb á laugardagskvöldið í Shoreditch sem er í East London. Hólmar félagi minn sem býr í New York vara að spila og ákvað ég að sjálfsögðu að kíkja ásamt nokkrum góðum félugum. Hólmar var að spila ansi góða tónlist, en það er greinilegt að maður er ekki alveg í eins góðu klúbbaformi eins og maður var í gamla daga. Hann var að spila til kl. 6 um morguninn og var ég alveg gjörsamlega búinn á því þegar ég var loksins kominn heim. Enda svaf ég til kl. 5 daginn eftir. uss uss uss.

En Hólmar er að standa sig vel, hann verður núna í Róma næsta mánuðinn að búa til tónlist og er hann búinn að bjóða mér í heimsókn. Það er aldrei að vita nema að maður skelli sér í eina helgarferð, heimsæki Hólmar og tefli kannski kannski við Páfann í leiðinni.

London

2007-06-04T19:29:00.000+03:00

Þá er maður kominn til London. Ég verð hérna út vikuna að vinna að verkefninu. Hilmar félagi minn var svo almennilegur að lána mér íbúðina sína á meðan ég er hérna. Íbúðin er í Marylebone hverfinu rétt hjá Marble Arch, frábær staðsetning alveg.

Fór á laugardaginn í mjög skemmtilegan göngutúr í góðu veðri og í góðum félagsskap. Byrjuðum í Camden, löbbuðum þaðan upp á Primrose Hill. Þaðan er einmitt alveg frábært útsýni yfir borgina. Frá Primrose Hill löbbuðum við upp að Hampstead Heath sem er stór garður í Norður London. Mjög skemmtilegt, ég var að sjá hluta af London sem ég hef aldrei séð áður.

Glasgow 1. júní

2007-05-26T20:00:00.001+03:00

Ég sagði ykkur frá fyrir nokkru að Ásdis Sif systir mín væri með vikulegan Skype performance. Þessi performance hennar er farinn að vekja heldur betur athygli því það er búið að bjóða henni að vera með Skype performance í The Centre for Contemporary Art (CCA) í Glasgow núna 1. júní. Ég hvet alla sem búa hérna í Skotlandi að kíkja. Þetta verður örugglega mjög gaman. Svo býð ég öllum upp á bjór á eftir :) http://www.cca-glasgow.com/events/Itsnothard_june.html

Leiðrétting

2007-05-24T03:02:00.000+03:00

Það er bara spáð 15 stiga hita um helgina en ekki 25 eins og kom fram í síðustu færslu. Ég bið bloggvini velvirðingar á þessum mistökum.

Helgin

2007-05-23T02:02:00.001+03:00

Ákvað í dag að fresta ferðinni sem ég átti að fara um helgina til Íslands um óákveðinn tíma. Ástæðurnar eru að í fyrsta þá er doldið crazy mikið að gera hjá mér í skólanum, í öðru lagi þá er ömurlegt veður á Íslandi, í þriðja og síðasta lagi þá er spáð 25 stiga hita hérna um helgina...þannig að...já.

Man flu

2007-05-21T01:25:00.000+03:00

Búinn að vera með einhverja kvefpest í mér um helgina. Ferlega slappur eitthvað, held að ég sé hreinlega að deyja. Þetta er náttúrulega helvítis væl í mér, ég er væntanlega bara með "Man Flu"

Fallegur söngur

2007-05-18T17:33:00.000+03:00

iPod og hlaup

2007-05-14T23:40:00.000+03:00

Ég mæli ekki með því að maður sé að fikta í iPodinum sínum meðan maður er að hlaupa, sérstaklega ekki ef það eru staurar á hlaupaleiðinni. Vildi bara láta ykkur vita.

Pole dancing

2007-05-12T22:13:00.000+03:00

Jæja ég er búinn að finna mér hvað ég ætla að prufa í London, Pole dancing for men!!! magnað dæmi. Rosalega held ég að ég sé flottur súludansari :) Ég sendi myndir þegar ég er búinn að prufa en það er allt eins líklegt að mér verði boðinn vinnna á Stringfellows eftir á.

Literature Review

2007-05-11T22:33:00.000+03:00

Kominn heim eftir góða ferð til London. Smá seinkun á lestinni þar sem lestin á undan fór út af sporinu! Nú er maður bara að vinna í verkefninu á fullu. Þarf að skila inn Literature Review eftir tvær vikur sem á að vera 5000 orð, þannig að það er eins gott að halda vel á spöðunum og vinna vel. En ætli maður gefi sér samt ekki tíma til að kíkja í bíó annað kvöld.

East London

2007-05-09T16:57:00.000+03:00

Sit hérna á huggulegum stað í East London. Skemmtilegt svæði, hef aldrei skoðað það neitt að ráði. Mér líður alltaf vel hérna í London það er eitthvað við borgina sem höfðar til mín. Hver veit nema maður endi hérna í haust.

Ég tók lestina hingað í morgun kl 7. Það var bara mjög þægilegt, ég steinsvaf alla leiðina. Það er ekki sama stressið í kringum svona lestarferð eins og taka flug.

Fire Fire!!

2007-05-09T01:55:00.000+03:00

Var að kaupa Neon Bible með Arcade Fire. Frábær diskur, alveg magnaður. Hvert einasta lag á disknum er gott sem gerist sjaldan. Ég hef ekki hlustað á þá fyrr en það er alveg ljóst að ég muni kaupa fleiri diska með þeim. Ég veit ekki hvernig á að lýsa þessari tónlist, kannski balkan indie popp? Þeir eru reyndar frá Kanada þannig að ég veit ekki. Söngvarinn minnir mig doldið á Ian McCulloch söngvarann í Echo And The Bunnymen. Ef einhver er að fara versla sér tónlist þá mæli ég eindregið með þessum.

Á morgun verður slegist

2007-05-08T18:38:00.000+03:00

Ég er alveg ruglaður, það er þriðjudagur í dag, ég var vissum að það væri mánudagur. Þetta þýðir aðeins eitt, á morgun tek ég lestina til London til að fara á Chelsea-Man Utd. Ákvað að bjóða Þorsteini bróður mínum með þar sem hann hefur aldrei farið á svona leik áður :) Ég vona samt að ég lendi ekki við hliðiná sömu bullu og í fyrra sem hótaði að lemja mig og félaga minn í klessu eftir leik :) Kannski ég láti bara Þorstein sitja við hliðiná honum :)

Skype Performance

2007-05-06T22:57:00.000+03:00

Systir mín hún Ásdís Sif, listakona og mikill snillingur er með Skype performance í hverri viku. Maður hringir í hana í gegnum Skype kl. 18 á sunnudögum að íslenskum tíma og þá svarar hún og situr í gang einhvern magnaðan performance. Ótrúlega skemmtilegt. Myndin hér er einmitt frá seinasta performance sem var í dag, hún er einmitt stödd í New York en lætur það ekkert stoppa sig í að sinna aðdáendum :) Ég mæli með að fólk tékki á þessu, þessi Skype performance er að vekja athygli, held að hún hafi verið í síðasta tölublaði Art Forum.
Þeir sem vilja tékka á þessu þá er Skype nafnið hennar asdissif

BUPA

2007-05-05T23:55:00.000+03:00

Jæja nú er bara nokkrir tímar í BUPA hlaupið. Það verða 10.000 manns sem taka þátt. Á hvaða sæti á ég að stefna á? Topp 5000 væri nokkuð gott held ég. Topp 1000 þá kaupi ég mér gallabuxur. Topp 700 þá kaupi ég heimsreisu með Air New Zealand :)

Þetta verður gott sumar

2007-05-03T02:23:00.000+03:00

Ansi á þetta eftir að vera gott sumar svei mér þá. Er að fara að gera ótrúlega skemmtilegt mastersverkefni svo er mikið annað að gerast : Festivalið, siglingar, helgarferðir um Skotland, kannski að prufa fallhlífastökk??? nei veit ekki alveg með það.

Svo er ég reyndar að fara að keppa í 10 km hlaupi á sunnudaginn. Veit ekki hvernig ég fer að því uss uss er sko ekki í nógu góðu formi en hvað um ef ég næ að klára á þokkanlegum tíma þá verð ég sáttur.

Round the world

2007-05-01T13:48:00.000+03:00

Á maður ekki að skella sér í ferðalag þegar maður er búinn hér? Get fengið flugmiða London-Hong Kong-Nýja Sjáland-Los Angeles-London fyrir rúmlega 600 pund! Maður getur stoppað á hverjum stað eins lengi og maður vill og svo er boðið upp á fyrir smá aukagjald að flúga frá Nýja Sjálandi til Tahiti eða Fiji og svo þaðan til LA. Ég held að maður verði að skoða þetta alvarlega

Smá pása

2007-04-30T03:30:00.000+03:00

Er aðeins að hvíla á að pumpa í vindsængina sem ég mun sofa á næstu nætur. Fór út að borða á frábrærum stað með mömmu og pabba áðan. Staðurinn heitir "The Witchery" og er efst á Royal Mile rétt við kastalann. Ótrúlega góður matur, kannski ekki við öðru að búast, svo hef ég aldrei séð annan eins vínlista! Hann var yfir 100 blaðsíður að lengd. Hvernig fer maður að að velja vín úr svoleiðis doðranti? Ég opnaði bara inn í miðja bók og benti blindandi á eitthvað vín reyndist svo vera alveg prýðilegt ítalskt vín :)

Jæja best að halda áfram að pumpa í vindsængina, maður kemmst bara í útilegufíling, maður verður nú að reyna að skella sér í allavega eina útilegu í sumar svei mér þá

Phil Neville

2007-04-29T16:47:00.000+03:00

Phil Neville er góður drengur.

Er annars bara búinn að vera í leti síðustu daga. Rölt aðeins um bæinn, kíkt á kaffihús ætlaði reyndar að kaupa mér einhver föt, svona aðeins til að verðlauna mig fyrir að vera búinn í prófum er reyndar ekki búinn að finna neitt ennþá. Kannski að maður kaupi sér gönguskó, það er nú planið hjá mér að ganga á fjöll í sumar þannig að það er kannski eins gott að byrja að safna að sér græjum. Mamma og pabbi eru að koma í heimsókn í dag þannig að maður er búinn að vera að gera fínt í allan dag. Það verður nú ljúft að fá þau í heimsókn, þau eru svo aktív þau eiga örugglega eftir að draga mig á öll listasöfnin í bænum sem er bara fínt sko.

Annars hef ég verið að velta því fyrir mér hvort ég eigi að vera í Guildford í ágúst eða hérna í Edinborg. Væri nú gaman að tékka á festivalinu hérna í ágúst. Hmm kannski hefur maður ekki tíma fyrir svoleiðis maður á víst að vera að skrifa á fullu þá. Ójæja það kemur í ljós. Ég sé að íkorninn(sem býr hérna í garðinum) er eitthvað að þvælast fyrir utan gluggan hjá mér örugglega að leita að hnetum, best að gefa honum nokkrar.

Á maður að kjósa?

2007-04-27T20:40:00.000+03:00

Nú eru konsningar framundan heima. Skilst að stór hluti þjóðarinnar sé í miklu sjokki vegna þess að Eurovision og kosningarnar eru á sama degi. Mun ekki vera erfitt fyrir fólk að kjósa tvisvar á sama degi? Hefði ekki verið sterkt að setja Eika Hauks á einhvern framboðslistana? Hefðu þá ekki allir pottþétt kosið hann?

Vaknaður

2007-04-26T19:41:00.000+03:00

Ég hef greinilega vera þreyttur eftir þessa próftörn því mér tókst að sofa í 15 tíma í einum rykk nánast. Held að ég hafi ekki afrekað að sofa svona lengi síðan ég var í MH svei mér þá. En nú er ég á þriðja kaffibollanum þannig að ég er að koma til :) Hafði hugsað mér að fara upp í skóla í dag en mér sýnist að það verði ekkert úr því úr þessu.

Fór annars á flotta tónleika í gær með CSS og Ratatat á Liquid Room. Þessir tónleikar voru hluti af Triptych festivalinu sem fer fram þessa dagana hérna í Skotlandi. Ratatat voru nokkuð flottir, þeir tóku reyndar ekki mörg lög og svo var soundið eitthvað að stríða þeim en samt sem áður góða keyrsla á þeim. CSS spiluðu á eftir Ratatat og fannst mér þau alveg frábær meirihlutinn í bandinu eru stelpur held 5 stelpur og 1 strákur, eða var það 4 stelpur og 2 strákar, ekki viss því einn meðlimurinn hefði getað verið strákalegur stelpa eða stelpulegur strákur. En það var svaka kraftur í þeim og flott tónlist, minnti mig doldið á Cure þegar þeir voru upp á sitt besta. Söngkonan tók stagedive við mikinn fögnðu viðstaddra :) En já flottir tónleikar og ég held ég kaupi mér diska með báðum þessum hljómsveitum.

Í kvöld verð ég bara rólegur, kíki kannski í bíó. Langar rosa mikið til að horfa á einhverja silly mynd og borða popp. Ætli Blades of Glory með Will Ferell sé ekki ágætis kandidat sem silly mynd.

Búinn

2007-04-25T13:35:00.000+03:00

Jæja þá er maður búinn í prófum. Reynar er ég líka búinn á því. Núna fer ég heim og legg mig aðeins, tek svo til ef ég er í stuði og í kvöld fer ég svo á flotta tónleika með CSS og Ratatat.
Náði annars að horfa á leikinn í gær með öðru auganu það var ekki annað hægt. Man Utd í góðri stöðu fyrir seinni leikinn.

Ojojoj

2007-04-21T01:15:00.000+03:00

Þarf nú endilega vera komið fullt af Fóstrbræðra klippum á Youtube. Ussuss uss og ég sem er í miðjum prófum

Ekkert mikið að segja

2007-04-20T23:03:00.000+03:00

Það gerist lítið annað hjá mér þessa dagana en að lesa undir próf. Reyndar get ég sagt ykkur það að ég fer til London 9.maí að sjá Chelsea vs. Man Utd. Þeir sem ekki vita þá verður þetta líklegast úrslitaleikur í ensku deildinni. Ég mun reyndar sitja Chelsea meginn sem er náttúrulega mjög erfitt fyrir Man Utd. mann eins og mig:) Svo eru góðar líkur á að ég sé kominn með miða á bikarúrslitaleikinn 19.maí á Wembley sem er á milli þessara sömu liða. óJá maður er bara töffari

Hálfleikur

2007-04-19T14:07:00.000+03:00

Ojojoj hvað ég er þreyttur! Uss uss það getur ekki verið hollt fyrir mann að sofa svona lítið margar nætur í röð. En nú er ekki próf fyrr en á mánudaginn þannig að maður hefur smá tíma til að safna kröftum. Ég held ég leggi mig aðeins og hver veit nema að ég kannski raki mig þegar ég vakna.

One down....

2007-04-16T20:34:00.000+03:00

One down, seven to go!
Gékk bara þokkalega í dag held ég. Var samt frekar strembið próf. Nú er bara að halda áfram að lesa, næsta próf á morgun, eins gott að vera ekkert að slóra.

Sól og póstur

2007-04-14T15:32:00.000+03:00

Það er of gott veður til að vera að læra uss uss, það er 20 stiga hiti og sól! En hvað um það ég fer nú kannski út að skokka á eftir og ef ég skokka nógu lengi þá fæ ég kannski smá lit :)

Fékk annars síðbúið páskaegg í póstinum í morgun, voða notalegt að narta í það á meðan maður er að læra. Aumingja póstmaðurinn heldur að ég sé eitthvað skrítinn, það hittist alltaf þannig á að þegar hann kemur með pakka að ég er annaðhvort í sturtu eða ennþá upp í rúmi. Þannig að ég kem yfirleitt til dyra á nærbuxunum eða með handklæði utan um mig. Held að hann sé orðinn hálf hræddur við mig, hann er meira að segja hættur að láta mig kvitta fyrir pakkana, hann bara hendir þeim í mig og hleypur svo í burtu. Aumingja pósturinn Páll og kötturinn hans Njáll!

Back in Edinburgh

2007-04-11T19:40:00.000+03:00

Jæja þá er maður kominn aftur til Edinborgar. Átti alveg frábæra daga í Guildford og London yfir páskana. Ég held að ég sé alveg ákveðinn í því að flytja til London þegar ég er búinn hér. Langar að prófa að vinna og búa í London í kannski 2 ár eða svo.
Þegar ég lenti hérna í Edinborg þá voru Ásdís systir (sjá mynd) og Ragnar maðurinn hennar mætt til að taka á móti mér. Við áttum alveg frábært kvöld saman, byrjuðum á "The Last Drop" við "Grassmarket" sem er bar þar sem menn gátu fengið sér síðasta drykkinn sinn áður en þeir voru settir í gálgann hérna í gamla daga. Svo plataði ég þau til að horfa með mér á Man Utd vs Roma á pöbbnum mínum. Við fengum okkur týpískan pöbbamat og skoluðum honum niður með bjór. Leikurinn var alveg magnaður meira að segja Ásdís var að fíla sig. Eftir leikinn fórum við svo í draugagöngu um Edinborg, svona eins og ekta túristar. Það var bara mjög gaman og vel hægt að mæla með því.

Rugby

2007-04-06T23:26:00.000+03:00

Ég var svo heppinn í vikunni að fá að fara með Jóni Bjarti litla frænda mínum á rugbyæfingu og horfa á. Hann stóð sig með prýði og var mjög gaman að fylgjast með honum. Í lok æfingarnar var tekið upp á því að litlu guttarnir sem voru allir 5 ára áttu að keppa við foreldrana. Ég fékk að vera með og þar sem bróðir minn var þarna líka þá hef ég líklegast verið í hlutverki mömmunar. Það þarf náttúrulega ekki að taka það fram að við máttum ekki tækla litlu guttana en í staðinn átti maður að ná að grípa í klút sem var bundinn um mittið á þeim, kallað "tag rugby". Leikurinn gékk vel og voru foreldranir að standa sig ágætlega. Ég var næstum því búinn að skora "touchdown" eða hvað það er nú kallað í rugby. Ég fékk boltann við hliðar línuna rauk af stað í áttina að endalínunni en á einhvern ótrúlegan hátt tóks mér að reka tána í jörðina og fljúga á hausinn litlu guttunum til mikillar kátínu nema aumingja litli strákurinn sem varð undir mér þegar ég datt! Hann semsagt lenti undir mér þegar ég datt og rúllaði ég yfir hann, ég var í sjokki sem og mamma stráksins sem kom hlaupandi álíka hratt og Carl Lewis eftir túninu. En sem betur fer stóð strákurinn upp aftur eftir að hafa lenti undir valtaranum. Eftir þetta fór ég mér mjög hægt í leiknum.

Lærum að dansa

2007-04-04T15:31:00.000+03:00

He He

2007-04-02T19:27:00.001+03:00

Guildford (London)

2007-04-01T03:04:00.000+03:00

Þá er maður mættur til Guildford. Ferðalagið gékk ekki áfallalaust fyrir sig. Fyrst var klukkutíma seinkun í Edinborg og svo þurfti ég að bíða í 2 tíma eftir töskunni. Ég náði að veiða upp úr einum flugvallarstarfsmanni á Gatwick að ástæðan fyrir þessari töskubið væri sú að ServiceAir sem sjá um að ferja töskur í og úr vélar á Gatwick eiga í einhverjum útistöðum við EasyJet (sem ég flaug með) þannig að til að refsa EasyJet þá voru þeir ekkert að flýta sér að afgreiða töskurnar(ferja þær úr fluvélinni á færibandið). Ég verð að viðurkenna að ég var orðinn doldið pirraður!! Ætli maður taki ekki lest næst.

Annars búinn að hafa það fínt í dag, búinn að vera að læra, skylmast við litla frænda minn, svo fór ég út að hlaupa í nýju hlaupaskónum. Reyndar þarf ég að gera eitthvað í sambandi við hlaupabuxurnar mínar vegna þess að Jón Bjartur (litli frændi minn) sagði að þær væru mjög hlægilegar, en þær myndu skána ef ég væri í pilsi við :) Ég þarf varla að taka fram hvernig hlaupabuxur þetta eru en það er hægt að sjá myndir af samskonar hér

Þetta var gott

2007-03-30T17:50:00.000+03:00

Fór á hlaupaæfingu með skoska hópnum sem ég var að hlaupa með fyrir jól. Tókum interval æfingu, sú fyrsta sem ég tek á þessu ári. Ég hljóp 4x1000 metra, ég var að hlaupa hvern sprett á ca. 3:40 og svo var alltaf 2 min hvíld á milli spretta. Þetta var náttúrulega drullu erfitt en mikið leið manni vel eftir á. Svo var líka gaman að hitta fólk og spjalla aðeins.

En í kvöld fer ég til London til Þorsteins bróðurs og reikna ég með að það fyrsta sem ég geri í fyrramálið er að skylmast við Jón Bjart litla frænda minn :)

Danskan

2007-03-29T18:05:00.000+03:00

Þetta finnst mér fyndið :)

2007-03-29T13:13:00.000+03:00

Ég ætla að vera duglegur að ferðast um Skotland í sumar, svona þegar færi gefst að minsta kosti. Stefni á að fara í langa helgarferð upp í skosku hálöndin. Um að gera að nota tækifærið á meðan maður er hérna því ekki veit maður hvað tekur við í haust, London kannski?

Annars er ég búinn að vera duglegur að hlaupa undanfarið, búinn að fara tvisvar í þessari viku og ætla svo aftur í kvöld að hlaupa með skoska hlaupahópnum þar sem væntanlega verður tekin tempó æfing.

Töskur fyrir alvöru karlmenn

2007-03-27T22:33:00.000+03:00

Ef ég myndi fá mér handtösku þá myndi ég fá mér svona

Annars eru fleiri flottar hér http://www.americaninventorspot.com/10_handbags

Næstu vikur

2007-03-27T15:49:00.000+03:00

Jæja þá er maður bara að lesa á fullu. Prófin byrja 16. apríl og fer ég í 8 próf. Ég skal viðurkenna að það er doldið erfitt að halda einbeitingu en ég geri mitt besta það er ekki hægt að biðja um meira miðað við aðstæður. Fer svo til Þorsteins í London á föstudaginn og verð þar fram yfir páska, held ég að það verði mjög ljúft. Ætli maður reyni ekki að hitta á vini sína meðan maður er í London. Er nú þegar búinn að mæla mér mót við Kristjönu sem á verslun sem heitir Beyond The Valley rétt við Carnaby street, mjög skemmtileg verslun mæli með því að þeir sem eiga leið þarna um að kíkja við.
Jæja best að halda áfam að lesa um "Mobile Networks"

Næsti forsætisráðherra Bretlands (hægra meginn á myndinni). Varúð ekki fyrir viðkvæma!

2007-03-25T21:14:00.000+03:00

Abducted by aliens

2007-03-25T16:31:00.000+03:00

Í nótt var ég tekinn af geimverum. Eða svo hélt ég þangað til í morgun. Ég var að læra fram yfir miðnætti og svo ákvað ég að horfa á eina DVD. Horfði á Sin City . Flott mynd, hafði nefnilega aldrei séð hana. Þegar myndin var búin þá kíki ég á klukkuna á tölvunni og sé að hún er 2:58. Ég fer ínn í eldhús og vaska aðeins upp og þegar ég kem til baka þá sé að klukkan er orðin 4:05. Ég hugsaði what? Datt ég út? Hvað gerðist? Ég hef líklegast verið tekinn af geimverum! Það fanst mér eðlilegasta skýringi í nótt allavega þannig að ég dreif mig upp í rúm og fór að sofa. Í dag fattaði ég svo að það er kominn sumartími hérna í Bretlandi. Það er klukkan er færð fram um 1 klukkutíma og gerðist það klukkan 3 í nótt. Tölvan er náttúrulega svo klár að hún fattar þegar það er sumartími eða ekki og hún stillti klukkuna á sumartíma. Ég er samt pinku vonvikinn yfir að hafa ekki verið tekinn af geimverum.

Svona er að vera góður

2007-03-23T03:03:00.000+03:00

Ég er hættur að gefa heimilslausum pening! Allavega þeim sem erum með hunda. Það sat einn hérna úti á Grassmarket með ljóta hundinn sinn og var að betla. Ég eins og ég geri svo oft fer oní vasann minn og finn það klink sem ég á og hendi oní hattinn hjá vesalingnum. Allt í góðu með það nema að helvítis hundkvikindið réðst á mig og beit mig í höndina. Þetta hefur maður upp úr því að vera góður! uss uss

Air balloon

2007-03-20T19:34:00.000+03:00

Held að það gæti verið doldið gaman að prufa þetta í sumar. http://www.virginballoonflights.co.uk/main.asp
Þorir einhver með?

Kalt í Edinborg

2007-03-19T22:34:00.000+03:00

Voðalega er kalt þessa dagana. Uss uss ég sem hélt að vorið væri komið. Það er samt búið að lofa mér að það muni hlýna um helgina. Annars er maður bara að læra á fullu. Fór reyndar á laugardaginn síðasta og hitti gott fólk. Var boðið heim til stráks sem heitir Danni og er hann í sama skóla og ég. Þar voru einnig Stebbi, Hlín, Bogga og Arndís. Stebbi og Hlín eru líka í Heriot Watt en Bogga og Arndís kláruðu í fyrra og eru að vinna hérna í Skotlandi. Skemmtilegt fólk og skemmti ég mér vel. Ætlaði reyndar bara rétt að kíkja en endaði á að vera til klukkan hálf fimm. Svona er þetta stundum :) Hér eru svo myndir úr boðinu: Boð hjá Danna

Verkefni

2007-03-19T16:52:00.000+03:00

Eitt af þessum verkefnum hér að neðan mun verða mastersverkefnið mitt. Kemur í ljós í næstu viku hvað verður en val 1 og 2 er ég spenntastur fyrir.

Choice 1 : ` Location Aware Portable Campus Guide ' supervised by Hamish Taylor

Choice 2 : ` A gesture interface to categorisation software ' supervised by Judy Robertson

Choice 3 : ` A location based storytelling tool ' supervised by Judy Robertson

Choice 4 : ` Development and Evaluation of a Personalised Website ' supervised by Alison Cawsey

Choice 5 : ` Wildlife on campus ' supervised by Judy Robertson

Million Dollar Quartet

2007-03-16T04:13:00.000+03:00

Keypti mér ansi skemmtilegan disk í vikunni. Hann heitir "The Comlepte Million Dollar Quartet" með Elvis Presley, Carl Perkins, Jerry Lee Lewis og Johnny Cash. Ég var búinn að heyra þennan disk hjá Ragnari mág og leist mér það vel á að ég varð að kaupa mér sjálfur. Það sem er svo magnað við þennan disk er að þetta er tekið upp í Sun Studios einn eftirmiðdag 1956. Þetta var eina skiptið sem þessir kappar hittust og spiluðu saman. Þetta er eiginlega bara "jam session" hjá þeim þar maður heyrir þá spjalla saman, segja brandara og bara hafa gaman. Elvis er mest áberandi á disknum enda var hann þarna orðin ein heitasta stjarna í Bandríkjana. Mjög skemmtilegur diskur og mæli eindregið með honum.

Tónleikar

2007-03-14T19:55:00.000+03:00

Í gær fékk ég smá kaupæði. Keypti 2 miða á "Red Hot Chili Peppers" og 4 miða á "The Police". Red Hot Chili Peppers eru með tónleika í Glasgow þann 23. ágúst og The Police í Manchester þann 16. október. Ég er miklu spenntari fyrir Police tónleikunum enda hef ég verið mikill aðdáandi þeirra síðan ég var 7 ára að ég held :) Hilmar félagi minn ætlar að taka 2 miða á Police tónleikana þannig að ég á aukamiða á bæði Red Hot og Police. Hefur einhver áhuga?

Sunnudagur í Edinborg

2007-03-12T20:25:00.000+03:00

Gærdagurinn fór mest allur í lærdóm. Gaf mér þó tíma til að rölta hérna út á Grassmarket og fá mér "english breakfast", sem ég veit að er ekki mjög hollt en stundum getur verið voða gott að fá sér svona mat, en yfirleitt verður maður samt hálf slappur á eftir sem er kannski ástæðan fyrir að maður borðar þetta ekki oftar :) Ég bý semsagt alveg við Grassmarket sem er sögufrægur staður hérna í Edinborg sem gengdi því hlutverki lengi vel að hér versluðu bændur með hey, korn, fræ og fleira. Ég held að því hafi ekki verið hætt fyrri en um 1910. En Grassmarket gengdi líka öðru hlutverki í margar aldir hérna í Edinborg. Hann var helsti aftökustaður borgarinnar. Hér voru menn hengdir út á miðju torgi og var yfirleitt fullt torg af fólki saman komið til að fyljgast með. En sem betur fer þá er þetta ekki lengur gert hér. En þrátt fyrir það sé enginn bændamarkaður né sunnudagsaftökur þá er oft mjög líflegt hérna við Grassmarket. Það er mikið af börum og veitingahúsum og gær var enn líflegara en hefur verið lengi. Kannski vegna þess að vorið er rétt handan við hornið? En það virðist vera vorstemmning yfir borginni. Mér finnst sá tími alltaf svo skemmtilegur. En svo var líka mikið af Írum í grænum litum, en þeir voru margir hér í tilefni af leik Íra og Skota í Six Nations keppninni í Rugby.
En nú er best fyrir að halda áfram að læra. Mikið að gera hjá manni þessa dagana.

The Police

2007-03-09T18:46:00.000+03:00

Verður maður ekki að reyna að sjá The Police. Ég held að það sé nokkuð ljóst. Best að reyna að útvega sér miða. Vill einhver koma með?

Verkefni, verkefni og verkefni!

2007-03-09T00:44:00.000+03:00

Nóg að gera í skólanum þessa dagana. Er að skila 5000 orða ritgerð um e-commerce á morgun, á sunnudaginn er ég svo að skila 3000 orða ritgerð þar sem ég er að bera saman mismunandi aðferðir í hugbúnaðarþróun. Á mánudag mun ég skila einu léttu foritunarverkefni, er að forrita tölvuleik fyrir farsíma, mjög skemmtilegt verkefni. Þetta er semsagt sem er framundan næstu dagana. Í lok næstu viku og þar næstu viku á ég að skila fleiri verkefnum og svo er ég búinn og þá tekur við próflestur. Reikna með að fara til London í lok mars og vera þar fram yfir páska. Þar mun ég eyða tímanum í lestur í góðu yfirlæti hjá Þorsteini bróður og fjölskyldu.

Bryan Ferry í Edinborg

2007-03-08T01:17:00.000+03:00

Skellti mér á Bryan Ferry tónleika á mánudaginn. Maðurinn er náttúrlega bara töffari. Hann tók bæði ný lög ásamt gömlum og góðum slögurum. Ég saknaði samt að heyra Avalon, Don´t stop the dance ,Love is the drug og Slave to Love. En ætli hann sjálfur sé ekki kominn með ógeð á þessum lögum og reynir örugglega eftir mesta megni að komast hjá því að flytja þau. En samt sem áður góðir tónleikar :)

Jason McElwain

2007-03-05T16:58:00.000+03:00

Flestir eflaust búnir að sjá þetta en ég verð samt að deila þessu með þeim sem hafa ekki.

http://www.youtube.com/watch?v=YcF7DsaGTg8&mode=related&search=

Frábært alveg!